Equipo de investigación


Águeda Gómez Suárez

Doutora en Socioloxía pola Universidade de Santiago de Compostela, licenciada en Socioloxía pola Universidad Complutense de Madrid e profesora titular de Socioloxía na Universidade de Vigo. Desenvolve unha intensa labor de investigación en temas relacionados cos sistemas sexo/xénero, a etnicidade e a prostitución, que se reflicten nos numerosos libros e artigos que publicou.

Marinella Miano Borusso †

Doutora en Antropoloxía Social pola Escuela Nacional de Antropología e Historia de México (ENAH), e licenciada pola Universitá degli Studi di Roma “La Sapienza”, en Roma, investigou nos ámbitos da antropología de xénero, etnografía, estudos sobre sexualidade e cultura, entre outros, que se traduciron en múltiples publicacións.

Silvia Pérez Freire

Licenciada en Socioloxía pola Universidade de A Coruña, exerceu de profesora de Socioloxía na Universidade de Vigo. Dende 2003 traballa como socióloga e investigadora social en ONG vinculadas á reivindicación dos dereitos humanos das mulleres e como consultora científica en varias universidades españolas, empresas sociais e administracións públicas. Publicou sobre a violencia de xénero e a trata de persoas.

Xaime Fandiño Alonso

Doutor en Comunicación Audiovisual pola Universidade de Santiago de Compostela, e licenciado en Xornalismo pola Universidad Complutense de Madrid. Profesor Titular de Comunicación Audiovisual na Universidade de Vigo e, actualmente, na USC. Traballa en investigación sobre popular música, publicidade, culturas urbanas e prostitución, entre outros temas.

Rosa María Verdugo Matés

Doutora en Ciencias Económicas e Empresariais. É docente dende 1992 na Universidade de Santiago de Compostela e actualmente é profesora contratada doutora no departamento de Economía Aplicada. As súas investigacións están centradas nas migracións e as súas últimas publicacións abordan o impacto nas economías receptoras das remesas enviadas dende España, a actividade feminina na Galicia de mediados do século XIX e os fluxos migratorios entre Europa e África occidental.

Alejandro Nuricumbo Linares

Doutor pola Universidade de Vigo e Enxeñeiro Agrónomo polo Instituto Tecnológico de Comitancillo (México), realiza investigacións no eido da etnicidade e a soberanía alimentaria, xénero e etnicidade e prostitución. Manexo de diferentes soportes audiovisuais.